14 jul. 2015

Vémonos noutra

Velaí vai a derradeira. Despois destas voltas e reviravoltas polas silveiras da beira do Támesis  toca desencerellarse, poñer o alboroque e regresar a Galicia. Foron cinco anos moi intensos traballando como profesor de galego dende o IE Cañada Blanch; cinco anos tentando saltar os muros do que fora un convento para  facer visible a nosa cultura nesta cidade, presumir dela e da nosa xente.
Daquela corresponde agora agradecer a quen me permitiu esta marabillosa experiencia. En primeiro lugar, á Consellaría de Educación e Cultura e o MECD así como ás/aos compañeiras/os que creron no proxecto. E logo á numerosísima comunidade galega de Londres, á de antes e á de agora: sen a vosa colaboración sempre altruísta e xenerosa este proxecto carecería da emoción necesaria. Sabedes que no regreso á nosa Itaca seguirei enarborando a bandeira do voso compromiso e talento aínda en Londres. 
E, por último, pedirvos que manteñades o mesmo apoio para a persoa que continuará co proxecto en setembro e, por suposto, sempre Galego En Londres. Foi un auténtico pracer. Un privilexio enorme. Vémonos noutra. Grazas.

12 jul. 2015

Botando contas

Nos últimos días desta xeira de cinco anos parécenos que pode ter certo interese ofrecer un balance en cifras desta experiencia marabillosa. 
En canto á docencia no IE Cañada Blanch impartimos aulas de galego a unha media de 55 alumnos cada ano, fundamentalmente na ESO pero tamén en Primaria (como materia extraescolar) e nos catro primeiros anos en Bacharelato tendo como eixo un enfoque sociocultural da materia e o uso das TIC. E tamén como docente organizamos nestes 5 anos unhas 260 actividades en galego no propio centro para o alumnado de galego e, en non poucas ocasións, para alumnado que non a escollera como opcional. Isto foi posible grazas á colaboración altruísta e xenerosa da xente convidada, a maioría londoners altamente cualificadas/os. E ao final de cada curso fomos facendo un vídeo-resumo deste traballo: 2010-2011, 2011-2012, 2012-2013, 2013-2014, 2014-2015. E entre esas actividades 4 viaxes a Galicia: no 2011 con 10 alumnos; seguimos no 2012 e logo outra no 2014 e a última con 28 alumnos neste curso.
Unha das aplicacións web que usamos foi o blog Fala Londres, entendido como blog do profesor. Algúns datos para estes cinco anos: 452 entradas, 110.000 visitas, 38 seguidores e un page rank 4. As entradas máis vistas foron a referida á visita que nos fixo Carlos Blanco e cando presentamos a curta Portobello, porque me peta! realizada por Carlos Abeijón co noso alumnado de 3ºESO e finalista do IV certame "Curtas para Rosalía" da AS-PG.
E este traballo viuse recoñecido coa etiqueta Buenas Prácticas 2.0 polo INTEF e coa selección do proxecto por parte de Educabarrié.
Por último, tocante á xestión das redes sociais de Galego en Londres, a páxina facebook Galego en Londres (xurdida dun perfil inicial con ese nome) agrupa, nestes momentos, a máis de 5300 seguidoras/es, a maior parte, integrante da comunidade galega do UK. A conta de twitter ten 1036 seguidoras/es neste momento e chiamos máis de 2300 veces.

2 jul. 2015

Vídeo-resumo actividades Área de Galego do IE Cañada de Londres

E xa en xullo de 2015 presentámosvos a modo de memoria este vídeo-resumo das actividades que levamos a cabo dende a Área de Galego do IE Vicente Cañada Blanch de Londres. Foron máis de 50 e todas posibles grazas ao compromiso, xenerosidade e altruismo de tantas galegas e galegos que quixeron compartir os seus saberes e experiencias co alumnado da ESO deste centro. Nós sentímonos moi orgullosos e máis queridos aínda. Moitas grazas. E, por suposto, moitas grazas rapazas e rapaces.

1 jul. 2015

Alba María: a cantora que lle puxo o alboroque ao curso

Hoxe 1 de xullo rematamos as actividades organizadas pola área de Galego do IE Cañada Blanch para o curso 2014-2015. E fixémolo cunha voz para o futuro, coa de Alba María que nos presentu o seu disco Aínda. Fermosa maneira de poñerlle o alboroque ou o ramo a un curso no que lles presentamos ao alumnado de galego do IE Cañada máis de 50 actividades vehiculadas todas na nosa lingua sobre os temas máis diversos e amaior parte impartidas pola diáspora galega nesta cidade.
E aqui vos deixamos un anaquiño da actuación de Alba María e a microentrevista de Natalia.

28 jun. 2015

Desexos para o verán dende Londres

Unha das últimas actividades deste curso é este pequeno vídeo no que o alumnado de 1º e 2ºESO de galego en Londres expresan os seus desexos galegos para o verán.

24 jun. 2015

O Nepal e o traballos das ONGs: Dididai, en galego, en Londres.

O  xoves 25 de xuño estará nas aulas de galego de Londres Pablo Menéndez, un londoner que, con outros socios, puxo en marcha a ONG Dididai que traballa con nenos con disfuncionalidades da zona de Katmandú, unha das más prexudicadas polo terremoto recente. Daquela falaranos dos obxectivos desta ONG, do seu traballo en orfanatos, dos seus proxectos e de como afectou o seísmo o seu traballo.
E velaquí a microentrevista de Mario:

22 jun. 2015

O día de Galicia en Londres 2015

Dende hai moitos anos vénse celebrando no IE Cañada Blanch de Londres unha concorrida  festa que organiza o Centro Galego de Londres chamada Día de Galicia. E como cada ano, dende que andamos por aquí, tentamos reflexar o ambiente da mesma nun pequeno vídeo. Desculpade a nosa falta de pericia fotográfica.

15 jun. 2015

Uxía + Narf, connosco

Esta semana teremos a sorte de recibir na illa a dous dos grandes artistas galegos: Uxía e Narf (Fran Pérez) presentando o seu último disco Baladas da Galiza imaxinaria. E grazas ao proxecto "Unha artista na escola" de Educabarrié o alumnado de galego do IE Cañada Blanch de Londres poderá gozar da súa música e da súa presenza mañá martes ás 12h55. 
E o mércores, xa para quen queira achegarse, tocarán na capela de All Saints Home no 83 de Margaret Street ás 19h, evento no que colabora a app Vojo way. E continuarán o percorrido o xoves en Brighton.
Así que non vale perderse a estes artistas galegos nesta xeira por Londres.
E velaquí un vídeo da súa actuación:

12 jun. 2015

A horta e nós, en galego, en Londres

No IE Cañada Blanch temos unha horta na que cultivamos de todo. Hoxe estivemos poñéndolle nome ás nosas hortalizas e legumes. Aquí vos deixamos un vídeo no que amais dúas alumnas vos farán de guías.

11 jun. 2015

Oncoloxía para principiantes, en galego, en Londres

Mañá 12 de xuño nas aulas de galego en Londres de 2ESO falaremos de oncoloxía cunha auténtica espacialista no tema, a doutora Teresa Curiel do Complexo Hospitalario Universitario de Santiago de Compostela. Falaranos de cancro, de como se orixina, de como se prevén e tamén de como se cura. Por tanto, imos aprender moito sobre unha das enfermedades máis importantes dos últimos anos.

10 jun. 2015

Contando ciencia: a actriz clásica Hedy Lamarr e a invención da wifi, en galego, en Londres

Mañá as aulas de galego de Londres de 3ESO estarán impartidas pola química Isabel Pérez Castro. Esta londoner de Ourense que, na actualidade traballa na editorial Taylor and Francis, amais de ser respondable da páxina Science Tales, contaranos a relación da actriz de Hollywood Hedy Lamarr coa invención da wifi. Promete ser moi interesante.
E a microentrevista de Laura e Claudia:

9 jun. 2015

En Buckingham Palace tamén se fala galego

Sabíades que en Buckingham Palace tamén se fala galego? E non é ninguén da familia real. Forman parte do persoal de palacio e mañá estará unha desas traballadoras connosco, Olalla Amboage. Daquela mañá imos coñecer por dentro como é o palacio e saberemos máis do tipo de vida que alí se leva grazas a esta galega que leva traballando varios anos alí.
E velaquí a microentrevista:

2 jun. 2015

Artistas da lingua

Velaquí vos deixamos un pequeno vídeo elaborado polo alumnado máis pequecho da área de galego que se achegou hoxe a esta actividade extraescolar no IE Cañada Blanch de Londres. Sen dúbida, son moi grandes.

10 may. 2015

A viaxe da lingua 2015: 13-17 de maio.

Este márcores 13 de maio comezaremos a nosa xa tradicional "Viaxe da Lingua" que, un ano máis, nos levará de Londres a Galicia. Este ano o grupo acada xa o número de 25 rapazas e rapaces. E a ver que vos parece o itinerario que preparamos: Lorbé, O Castro, Betanzos, Compostela, Vigo e as Illas Cíes e Ourense e a Ribeira Sacra.
Pero esta viaxe non sería posible sen as institucións e empresas que quixeron colaborar con este proxecto: a Secretaría Xeral de Política Lingüística, Secretaría Xeral de emigración, Centro Galego de Londres, Turismo do Concello de Vigo, telefonía R, Gadis, Restaurante Galicia de Portobello e Grupo La plaza, Vojo way e Viajarporescocia.com. Grazas polo voso esforzo e xenerosidade.
E velaquí vos deixamos este pequeno vídeo deses 5 días tan intensos:
 

9 may. 2015

Mundo de deseño, en galego, en Londres

Mañá nas aulas de galego de 2ESO no IE Cañada Blanch de Londres teremos un obradoiro de deseño impartido polo deseñador de mobiliario Alexandre López. E, aproveitando a ocasión, o alumnado realizará propostas para mellorar o mobiliario da súa contorna educativa. Imos ver se logo podemos levar á realidade esas melloras.
E velaquí a entrevista:

8 may. 2015

Visita do IES Xulián Magariños de Negreira

Esta mañá visitouno o alumnado de 3ESO  do IES Xulián Magariños de Negreira acompañados por dúas profesoras. Compartiron as aulas de galego co noso alumnado de 2ESO a quen lle presentaron a súa vila e tamén en que pasaban o seu tempo de lecer e esmorga. Pola contra o noso alumnado tamén lles respondeu ás súas preguntas e recorreron con eles parte das instalacións do IE Cañada Blanch. Un tempo de convivencia moi fermoso, sen dúbida. Moitas grazas por achegarvos ata aquí.

29 abr. 2015

Encontro con... Alixe Lobato: creadora multimedia

Mañá nas aulas de galego de 3ESO en Londres contaremos coa presenza da londoner de Vigo Alixe Lobato. Desta volta estamos ante outra das profesionais galegas instaladas nesta cidade que se adican á edición e produción e posprodución audiovisual. Mañá veremos algúns dos seus traballos na aula e conversaremos con ela ao redor da súa experiencia profesional.
E velaqui a entrevista:

Torta de Santiago en Londres, en galego

Hoxe na clase de galego de 1ESO porque unha das alumnas non só nos agasalla coa súa receita da Torta de Santiago senón que nola fai e comémola entre todos. Estaba boísima. Así que facédelle caso.

26 abr. 2015

Encontro con... Jasson Bross, escritor de Mazaricos en Londres

Mañá as aulas de galego de 2ESO en Londres acollerán a presentación do libro Lo que llevo tatuado, publicado por Finis Terrae Ediciones, e primeira novela do londoner de Mazaricos Ángel Pereira Carracedo aka Jasson Bross. Conversará cos rapaces sobre o proceso creador, a difusión e as súas experiencias londinienses. Velaquí vos deixamos uns fragmentos.

E velaquí a entrevista de Andrea e Lucas:

23 abr. 2015

Sobre a enerxía eléctrica, en galego, en Londres

Mañá ás 12 da mañá as aulas de galego de 2ESO en Londres tratarán sobre un tema tan común como interesante: a enerxía eléctrica. E para iso contaremos con todo un especialista, Manuel Silveira, un enxeñeiro electrónico que leva xa un tempiño traballando no UK. Daquela vai ser unha xornada ben interesante. Estamos seguros.

25 mar. 2015

Neurociencia en Londres, en galego.

Mañá 26 de marzo pecharemos as actividades deste segundo trimestre cunha conferencia sobre ciencia, neste caso, neurociencia. E será Alejandro Pan Vázquez, investigador do King´s College o que nos ofrecerá unha presentación sobre o tema. Unha vez máis, as aulas de galego servirannos para aprender moitas cousas interesante sobre o que están a facer as/os científicas/os galegas/os por estas terras.
E velaquí a microentrevista:
 

22 mar. 2015

Ensaiando para sermos xornalistas deportivos: as previas

O pasado venres a xornalista deportiva María Sabarís impartiu un obradoiro de xornalismo deportivo. E como esta era unha fin de semana moi futboleira acabaron realizando, por grupos, unhas previas para tres partidos de fútbol. Iso si, tamén hai que se atreveu co tennis. E velaquí o resultado:


19 mar. 2015

O xornalismo deportivo, en galego, en Londres

Mañá 20 nas aulas de galego de 2ESO contaremos coa presenza da xornalista María Sabarís. Falaranos dos elementos esenciais da crónica deportiva e tamén dos intereses económicos que hai detrás das previas e dos postpartidos. E, ao mellor, aventurámonos a facer algo para os partidos desta semana.
E a microentrevista:

13 mar. 2015

Tarefa: Uxía

Escoita (mínimo ata o m. 10) esta entrevista que lle fan nunha televisión local á cantante Uxía e logo responde as seguintes preguntas:



E agora responde e envíamo ao final co teu nome e curso:

12 mar. 2015

Unha /kid, en galego, en Londres

Mañá nas aulas de galego de Londres estará Noemi Martínez Santiago, unha deseñadora dixital con moita experiencia neste país. Coñeceremos o seu traballo de primeira man amais doutras facetas moi interesantes paralelas como a de letrista ou a de guitarrista e voz da banda Abjects. Daquela imos pasar unha sesión ben animada.
E a microentrevista: